აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ დევნილთა საკითხებთან დაკავშირებით სამეგრელო ზემო-სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობაში სამუშაო შეხვედრა გამართა.

მთავრობის თავმჯდომარის მოვალეობის შემსრულებელმა წარმომადგენლობის ხელმძღვანელისა და თანამშრომლებისგან რეგიონში მცხოვრებ დევნილ მოსახლეობაში არსებული სოციალურ-ეკონომიკური პრობლემების შესახებ ინფორმაცია მოისმინა, მათ შორის სოციალურად დაუცველი დევნილებისათვის დახმარების გაცემის წესის შესახებ.

„საუბარი შეეხო აფხაზეთის ოკუპირებულ ტერიტორიაზე მცხოვრები მოქალაქეების მძიმე სოციალურ-ეკონომიკურ მდგომარეობასა და გალის რაიონში მიმდინარე პოლიტიკურ პროცესებს. ყურადღება გამახვილდა ქართულ ენაზე სწავლების აკრძალვასა და სხვა არსებულ პრობლემებზე.
შეხვედრაზე ასევე ისაუბრეს დევნილების კომპაქტურ ჩასახლებებში მცირეფასიანი/ გადაუდებელი სარემონტო სამუშაოების ჩატარების მიმდინარეობაზე და ზუგდიდის დევნილთა ახალ ჩასახლებაში სხვადასხვა ინფრასტრუქტურული პროექტების განხორციელების შესაძლებლობებზე“, – ნათქვამია ინფორმაციაში.
„შეხვედრისას გამოიკვეთა ისეთი საკითხები, რომელთა მოგვარებაც მერიასა და ადგილობრივ მუნიციპალიტეტთან თანამშრომლობის გზით არის შესაძლებელი.
სამუშაო შეხვედრას სამეგრელო-ზემო სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი ალექსანდრე ჩიკვაიძე და წარმომადგენლობის თანამშრომლები ესწრებოდნენ.

საფეხბურთო ტურნირი ახალ ჩასახლებაში

 სამეგრელო -ზემო სვანეთის რეგიონში აფხაზეთის მთავრობის წარმომადგენლობის ხელმძღვანელის ალექსანდრე ჩიკვაიძის ინიციატივით , 25-26 ივნისს, ქალაქ ზუგდიდში დევნილთა ახალ ჩასახლებაში ( ლაღიძის # 4 ) საფეხბურთო ტურნირი გაიმართა. შეჯიბრება ორდღიანი იყო და წრიული სისტემით ჩატარდა. ტურნირში მონაწილეობა მიიღო 60 მდე მოზარდმა. პრიზები დააწესეს წარმომადგენლობის ხელმძღვანელმა ალექსანდრე ჩიკვაიძემ და ზუგდიდის მუნიციპალიტეტის საკრებულოს წევრმა მამუკა ყურაშვილმა. საჩუქრები შესაბამისად გადაეცათ ტურნირის ბომბარდირს გიორგი სირგინავას და გამარჯებული გუნდის – „დიოსქურიას „ კაპიტანს. ტურნირის მონაწილეები და მათი მშობლები მადლიერებას გამოხატავენ მოზარდებში ჯანსაღი ცხოვრების წესის დამკვიდრების ხელშეწყობაში. შეჯიბრებას ესწრებოდნენ ზუგდიდის მინიციპალიტეტის მერიის და საკრებულოს წარმომადგენლები, რომლებიც შემდგომშიც გეგმავენ დევნილი ახლგაზრდების მხარდაჭერას და ლეგიტიმურ ხელისუფლებასთან ერთად აქტივობების განხორციელებას.  

ხობის მუნიციპალიტეტში მცხოვრებ დევნილებს სამედიცინო გამოკვლევები ჩაუტარდათ.

 აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს ორგანიზებითა და სამეგრელო-ზემო სვანეთში აფხაზეთის მთავრობის წარმომადგენლობის  ხელშეწყობით ხობში მცხოვრებ აფხაზეთიდან იძულებით გადაადგილებულ პირებს უფასო სამედიცინო გამოკვლევები ჩაუტარდათ.

სამედიცინო აქციაში თანამედროვე აპარატურით აღჭურვილი სხვადასხვა პროფილის ექიმთა ჯგუფი მონაწილეობდა, რომლის შემადგენლობაში ოჯახის ექიმი, თერაპევტი, პედიატრი, კარდიოლოგი, ნევროლოგი, ენდოკრინოლოგი, ქირურგი, უროლოგი, ოფთალმოლოგი, ოტორინოლარინგოლოგი, დერმატოლოგი, ონკოლოგი, ულტრასონოგრაფიის აპარატურით აღჭურვილი 2 სპეციალისტი შედიოდნენ.

ექიმებთან კონსულტაციების შემდეგ დევნილ პაციენტებს, საჭიროების შესაბამისად, ულტრასონოსკოპიური გამოკვლევა (მუცლის ღრუს, ფარისებრი ჯირკვლის, სარძევე ჯირკვლის), ელექტროკარდიოგრაფია და C ჰეპატიტის სკრინინგი ჩაუტარდათ. ასევე, ექიმის დანიშნულების შესაბამისად უფასო მედიკამენტები გადაეცათ.

სამედიცინო აქციის მიმდინარეობას აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი ქეთევან ბაკარაძე. ხობის მუნიციპალიტეტის მერის მოადგილე მახარე ჩოკორაია და სამეგრელო-ზემო სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი ალექსანდრე ჩიკვაიძე ესწრებოდნენ.  

ფოთში მცხოვრებ დევნილებს სამედიცინო გამოკვლევები ჩაუტარდათ

აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს ორგანიზებითა და სამეგრელო-ზემო სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხელშეწყობით  ფოთში მცხოვრებ აფხაზეთიდან იძულებით გადაადგილებულ პირებს უფასო სამედიცინო გამოკვლევები ჩაუტარდათ.

სამედიცინო აქციაში თანამედროვე აპარატურით აღჭურვილი სხვადასხვა პროფილის ექიმთა ჯგუფი მონაწილეობდა, რომლის შემადგენლობაში ოჯახის ექიმი, თერაპევტი, პედიატრი, კარდიოლოგი, ნევროლოგი, ენდოკრინოლოგი, ქირურგი, უროლოგი, ოფთალმოლოგი, ოტორინოლარინგოლოგი, დერმატოლოგი, ონკოლოგი, ულტრასონოგრაფიის აპარატურით აღჭურვილი 2 სპეციალისტი შედიოდნენ.

ექიმებთან კონსულტაციების შემდეგ დევნილ პაციენტებს, საჭიროების შესაბამისად, ულტრასონოსკოპიური გამოკვლევა (მუცლის ღრუს, ფარისებრი ჯირკვლის, სარძევე ჯირკვლის), ელექტროკარდიოგრაფია და C ჰეპატიტის სკრინინგი ჩაუტარდათ. ასევე, ექიმის დანიშნულების შესაბამისად უფასო მედიკამენტები გადაეცათ.

გამოკვლევები მთელი დღის მანძილზე მალთაყვის დევნილთა კომპაქტურ ჩასახლებაში მიმდინარეობდა.

კომპაქტურ ჩასახლებაში სამედიცინო გამოკვლევების მიმდინარეობას გაეცნენ და დევნილ მოსახლეობას შეხვედნენ აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, ფოთის მერის მოადგილე გიორგი ფარეშიშვილი და სამეგრელო-ზემო სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი ალექსანდრე ჩიკვაიძე .

მათ ახლადგახსნილი საბავშვო ბაღის შენობაც დაათვალიერეს.

პროექტ „ჯანსაღი ცხოვრების წესის პოპულარიზაციის“ გახსნა

 2018 წლის 30 მაისს ზუგდიდის მუნიციპალიტეტის სოფელ ინგირში  დევნილთა ჩასახლებაში (ყოფილი სკოლა-ინტერნატის შენობის მიმდებარე ტერიტორია) ავსტრიის სპორტის სამინისტროს,ავსტრიის ეს-ო-ეს ბავშვთა სოფელის, აფხაზეთის ავტონომიური რესპუბლიკის მთავრობის და ზუგდიდის მუნი-ციპალიტეტის მერიის  მხარდაჭერით  გაიხსნა საფეხბურთო მოედანი და ბავშვთა ატრაქციონი.

მოწვეულ სტუმრებს შორის იყვნენ აფხაზეთის ა/რ  მთავრობის წარმომადგენლები, ზუგდიდის მუნიციპალიტეტის  მერიის,სახელმწიფო რწმუნებულის-გუბერნიის აპარატის თანამშრომლები.

შეკრებილ საზოგადოებას სიტყვით მიმართა აფხაზეთის ა/რ თავმჯდომარის მოვალეობის შემსრულებელმა ვახტანგ ყოლბაიამ, მადლობა გადაუხადა ყველას ვინც მონაწილეობა მიიღო ამ პროექტის განხორციელებაში და ღონისძიების ჩატარებაში. ხაზი გაუსვა რაოდენ მნიშვნელოვანია ჯანსაღი ცხოვრების წესის დაცვა ბავშვის ფიზიკური და ფსიქო-ემოციური განვითარებისათვის.შესაბამისად, ბავშვების სპორ-ტულ აქტივობებში ჩართვა ხელს უწყობს მათი თვითშეფასების ამაღლებას, აკადემიური მოსწრების გაუმჯობესებას,შფოთვის დაძლევას, თვითგამოხატვისა და სხვა სოციალური უნარების განვითარებას.

  შედგა   საფეხბურთო მატჩი აფხაზეთის №1 საჯარო სკოლისა და სოფ. ინგირის მე- 2 საჯარო სკოლის  მოსწავლეებს შორის. მატჩი დამთავრდა აფხაზეთის №1  საჯარო სკოლის საფეხბურთო გუნდის გამარჯვებით.მათ თასი გადასცა აფხაზეთის ა/რ თავმჯდომარის მოვალეობის შემსრულებელმა ვახტანგ ყოლბაიამ.

თამაშის შემდეგ ჩატარდა მხიარული სტარტები. სპორტული ჟინი გადაედო ყველას, დიდსა და პატარას.

26 მაისი, საქართველოს დამოუკიდებლობის აღდგენიდან 100 წლის იუბილე

 26 მაისი, საქართველოს დამოუკიდებლობის აღდგენიდან 100 წლის იუბილე ზუგდიდში განსაკუთრებულად და მასშტაბურად აღინიშნა. სხვადასხვა ორგანიზაციებთან ერთად ჩართული იყო აფხაზეთის ავტონომიური რესპუბლიკის მთავრობის წარმომადგენლობა  აფხაზეთიდან დევნილ მოსახლეობასთან ერთად, წარმომადგენლობის მხარდაჭერით აფხაზეთიდან დევნილ  ნუგზარ შოგირაძეს გამოეყო ცალკე პავილიონი, სადაც მან გამოფინა თავისი ნამუშევრები (ხალხური საკრავები ,,ფანდური, ჩონგური და ბასფანდური“ ასევე სხვადასხვა სახის ხის ნაკეთობები).

აფხაზეთის ავტონომიური რესპუბლიკის მთავრობის წარმომადგენლობის თანამშრომლებმა ადგილობრივ ხელისუფლების წარმომადგენლებთან ერთად ზვიად გასახურდიას გამზირზე განლაგებული სივრცეები დაათვალიერეს და ღონისძიების მონაწილეებს 26 მაისი მიულოცეს

სამეგრელო-ზემო სვანეთის რეგიონში მცხოვრებ მეორე მსოფლიო ომის ვეტერანებს გამარჯვების დღე მიულოცეს.

    სამეგრელო-ზემო სვანეთის გუბერნატორი ლევან შონია, სამეგრელო-ზემო სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლები და ადგილობრივი ხელისუფლების წარმომადგენლები მეორე მსოფლიო ომის ვეტერანებს შეხვდნენ და ფაშიზმზე გამარჯვების დღე მიულოცეს.
სამეგრელო-ზემო სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობის თანამშრომლები და ადგილობრივი ხელისუფლების წარმომადგენლები ომის ვეტერანებს ოჯახებში ესტუმრნენ და გამარჯვების დღე მიულოცეს. ასევე მელიტონ ქანთარიასა და ომში დაღუპული გმირების ხსოვნას პატივი მიაგეს და მათი საფლავები გვირგვინებით შეამკეს.
აფხაზეთის ავტონომიური რესპუბლიკის მთავრობის წარმომადენლობის ორგანიზებითა და შ.პ.ს „ევრობილდის“ მხარდაჭერით, ზუგდიდში მცხოვრებ აფხაზეთიდან დევნილ ომის ვეტერანებს ფულადი ჯილდო გადაეცათ.   

სამეგრელო ზემო სვანეთის რეგიონში ეტლით მოსარგებლე ბენეფიციარებს ახალი ეტლები გადაეცათ

 

სამეგრელო ზემო ვანეთის რეგიონში აფხაზეთის ა/რ მთავრობის წარმომადგენლებმა, ზუგდიდში, შარტავას ქუჩაზე და დარჩელის ადმინისტრაციულ ერთეულში ეტლით მოსარგებლე 3 ბენეფიციარს ახალი ეტლი გადასცეს. ახალი ეტლების შეძენა საერთაშორისო ასოციაცია ,,საქართველოს ქალები მშვიდობისა და სიცოცხლისათვის,“ LDS ,,CHARITY’’-სა და აფხაზეთის ა/რ მთავრობის მხარდაჭერით მოხდა. ეტლების გადაცემა გაგრძელდება ეტაპობრივად.

 

ალექსანდრე ჩიკვაიძე ზუგდიდის ადგილობრივი ხელისუფლების წარმომადგენლებს შეხვდა

ალაქ ზუგდიდში სამეგრელო-ზემო სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი ალექსანდრე ჩიკვაიძე ზუგდიდის მუნიციპალიტეტის მერის მოადგილე მაიზერ ნანავასა და ზუგდიდის მუნიციპალიტეტის საკრებულოს თავმჯდომარე მამუკა წოწერიას შეხვდა.
შეხვედრაზე ქალაქის მერიისა და აფხაზეთის ავტონომიური რესპუბლიკის მთავრობის ერთობლივი სოციალური პროგრამები განიხილეს. აგრეთვე, ზუგდიდის მუნიციპალიტეტის მერიასა და აფხაზეთის ავტონომიური რესპუბლიკის მთავრობის წარმომადგენლობას შორის თანამშორომლობის გაგრძელებაზე შეთახმდნენ.
შეხვედრას სამეგრელო-ზემო სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელის მოადგილე მედეა აბლოთია და მერიის სოციალური და ჯანდაცვის სამსახურის წარმომადგენლები ესწრებოდნენ.

დიმიტრი ჯაიანი – კაცი , რომელიც დააკლდა აფხაზეთს….


სოხუმი გვახსენდება იმ ქალაქად , სადაც იყო განსაკუთრებული ურთიერთობები, სადაც ნამდვილი კაცის სახელს უფრთხილდებოდნენ და სადაც ყველა ყველას ახლობელ – ნაცნობი იყო. თითოეულ ჩვენთაგანს კარგად გვახსოვს თუ როგორ უნდა დაგვეცვა ქალაქის წესები , თუ როგორ უნდა გვეცა პატივი დაწერილი თუ დაუწერელი კანონებისთვის. ბატონი დიმა იყო ის ადამიანი , რომელიც გახლდათ ამ ქალაქის , ამ კუთხის კოლორიტი . ქარიზმატული პიროვნება , ეროვნული ღირსებებით, თეატრში განსაკუთრებული და სახასიათო როლებით. არც ერთი პოლიტიკურ კატაკლიზმას არ ჩაუვლია მისი აქტივობის გარეშე იქ -აფხაზეთში და აქ – დევნილობაში. ამიტომ გვინდა განასკუთრებული პატივისცემა დავაფიქსიროთ მისი პიროვნების და განვლილი გზის მიმართ, მივუსამძიმროთ ოჯახს, მშობლიურ სენაკს, აფხაზეთს და სრულიად საქართველოს. ბატონი დიმა კი იქიდანაც ალბათ ასე გამოგვეხმაურება … ნუ დამიტირებთ ზეცის გოდებით . ცრემლები უკვე თავის კვალს კარგავს. ჩემი უდროოდ გარდაცვალება, ამ ქვეყნად უკვდავ ფერებად მქარგავს.